Con motivo do Día da Biblioteca, mañá mércores 24 de outubro ás 18 h celebrarase na Biblioteca Municipal de Soutomaior en Arcade  un espectáculo musical para público infantil e familiar (maiores de 3 anos).

O espetáculo "Alegría" é froito dun libro disco de Sérgio Tannus, lanzado pola Editorial Galaxia , que conta a história dunha simpática eiruga que viaxa o mundo para saber o que fai ás persoas felices. No seu camiño vai atopando interesantes e divertidos personaxes que lle van ensinando que na verdade hai innumeras maneiras de sermos felices, cada un do seu xeito.

O ton do espectáculo é de optimismo e esperanza, abordando importantes conceptos como a amizade, a tolerancia coas diferenzas e a alegría de vivir, é claro.