Venres, 29 Xuño 2018 10:22

Inicio Actividades de Verán 2018

Inicio Actividades de Verán 2018

O vindeiro luns día 2 inícianse as Actividades de Verán do Concello de Soutomaior que reúne a mais de 350 nenos e nenas desde os 3 aos 15 anos divididos en 5 grupos por idades.

A listaxe de participantes cos seus grupos correspondentes e a programación da primeira semana pódese consultar na pagina do Concello www.soutomaior.com, no Gabinete de prensa do Concello ou ben no facebook.

O luns pola mañá os grupos dos mais pequenos (A e B) terán un obradoiro de presentación no Peirao de Arcade. A quenda do grupo C será pola tarde no Campo de Fútbol de Soutomaior cunha procura do tesouro pola zona.

O martes pola mañá o Grupo D e pola tarde o grupo E tamén terán unha procura do tesouro na mesma zona de Candán.

O mércores o grupo C pola mañá e o grupo B pola tarde visitarán o Castelo de Soutomaior onde poderán coñecer a historia deste espazo singular e os principais personaxes vinculados a el a través dun vangardista proxecto de musealización. Os participantes desprazaranse desde Arcade (saída desde a Alameda de Talo Río) nun tren turístico que os levará ata o Castelo.

O xoves pola mañá será a quenda dos maiores que se desprazarán a Vigo á Xira Galega de Karting. Pola tarde o Grupo D terán un “ obradoiro de percusión con refugallos” na casa do Pobo da Pedreira.

No último día da semana os máis pequenos desprazaranse pola mañá a Vigo ao Centro de formación Naturnova de // Afundación onde lles espera “A Xincana de Pintafontes”. Un percorrido pirata onde deben superar por equipos diferentes probas para coñecer onde se esconde o prezado tesouro de Pintafontes.

Xa pola noite todos os grupos xunto cos pais poderán gozar a “Velada na Noite” que terá lugar no Campo de Fútbol de Arcade onde todos xuntos terán unha sesión de xogos e probas que teñen como temática o Mundial de Fútbol. (Nesta actividade os niñ@ s das actividades teñen que estar acompañados dun adulto responsable)

7 monitores fixos, a parte dos especialistas en cada actividade, velarán pola seguridade e por levar a bo termino estas “Actividades de Verán 2018”


Visto 2175 veces

Actividades de Verán

Talo Río éncehese coa proxección do video recompilatorio das Actividades de Verán

Talo Río éncehese coa proxección do video recompilatorio das Actividades de Verán

01-08-2022 / Actividades de Verán (Deportes)

O pasada sábado Talo Río encheuse de familias que acudiron ao Festival de Clausura das Actividades de Verán. Empezamos cunha obra de teatro que encantou aos/ás máis cativos/as, para despois dar paso ao momento máis esperado, o vídeo recompilatorio cos mellores momentos. Ademais, todos os/as participantes puideron levar a casa un detalle do Concello, unha mochila chulísima para levar á praia e...

Xa dispoñible o programa da última semana de actividades de verán

21-07-2022 / Actividades de Verán (Deportes)

Na última semana  de actividades de verán deste ano, a cativada gozará de sesións de contacontos, hípica, actividades acuáticas, obradoiros de pintura e moito máis. Ademais, o sábado día 30 terá lugar a clausura das actividades ás 21.30 horas, ca representación dunha obra de teatro e ca proxección do vídeo recopilatorio das actividades. 

Semana completísima nas actividades de verán!

14-07-2022 / Actividades de Verán (Deportes)

Xa tedes aquí o programa da terceira semana das Actividades de Verán. Música, scalestrix, obradoiro de cociña e a fin de semana... A ESPERADA ACAMPADA!!! Podedes descargalo aquí.

Descarga a programación da segunda semana de Actividades de Verán

08-07-2022 / Actividades de Verán (Deportes)

Xa está aquí a programación da próxima semana das Actividades de Verán: Aquapark, camas elásticas, inchables acuáticos e moito máis nesta segunda semana de actividades.  Descarga  aquí a programación completa.       

Listas de admitidos nas actividades de verán e programación da primeira semana

23-06-2022 / Actividades de Verán (Deportes)

Os nenos admitidos nas Actividades de Verán 2022 empezan este luns cunha programación que, seguro, gozarán ao grande. Hípica, golf e un rastrexo nocturno son algunhas das actividades das que gozará a cativada do concello esta semana. A lista completa de admitidos pódese descargar aquí, así como o programa desta semana. Cabe destacar que por motivos de organización, pode haber algunhas...

Mañá abrimos as inscricións das Actividades de Verán

07-06-2022 / Actividades de Verán (Deportes)

Chegou o momento que todos os cativos do Concello estaban a esperar: Mañá abrimos inscricións para as Actividades de Verán. Todos os empadroados de ata 13 anos e que teñan cumpridos os 3 anos o día 1 de xullo de 2022,  poden apuntarse ás Actividades de Verán que, un ano máis, veñen cargadas de animación, diversión e momentos inesquecibles. Haberá un total...

Actividades de Verán 2022