O Concello de Soutomaior a través da Concellería de Educación organiza un programa de "Roteiros Medioambientais" para o período que vai de xaneiro a abril de 2016. Este programa inclúe tres roteiros de senderismo cos que se pretende fomentar a participación veciñal en actividades de educación medioambiental e de coñecemento e respeto do entorno natural do municipio.
A Concellería xa organizou en 2015 unha iniciativa similar que levaba por título “Coñece o teu entorno” na cal os contidos relacionados coa cultura e patrimonio de Arcade e Soutomaior se mesturaban con contidos de índole deportiva como é práctica do xeocaching. A finalidade era a de dinamizar a participación veciñal e poñer en valor os recursos naturais e patrimoniais achegándonos a eles mediante unha actividade lúdica – deportiva que actualmente ten moita demanda. Os motivos polo que se organiza esta actividade son: alto valor educativo e alta demanda no municipio.
Con estas tres novas propostas a Concellería quere seguir fomentando un lecer respetuoso co medio natural que nos sirva para poñer en valor a educación medioambiental que nos permita coñecer mellor os recursos do noso municipio: a flora e a fauna.
Este domingo 13 de marzo de 10,30 a 13,30 realizaremos o ROTEIRO: FERVENZA DO INFERNO
Breve descrición: 8km; Lineal.
Ecosistema fluvial, especies alóctonas/autóctonas, fervenza e presa.
Material de apoio: teléfono móbil e cachés.
O roteiro estara guiado por unha monitora titulada e especializada na temática.
A participación nesta actividade é de balde e as prazas están limitadas. Teñen preferencia as persoas empadroadas no municipio.
Máis información e inscricións: na OMIX,Multiusos Arcade
O CONCELLO DE SOUTOMAIOR