Son un conxunto de accións voluntarias integradas en varios programas municipais.
Acción Voluntaria 1
Acción Voluntaria 2
Que queremos
Que queremos?
- DIFUNDIR E SENSIBILIZAR entre a poboación en xeral, o valor do voluntariado como forma de participación social e exercizo de corresponsabilidade.
- INFORMAR E ORIENTAR sobre voluntariado: oportunidades e necesidades do mesmo, programas, recursos...
- OFRECER SERVIZOS DE APOIO A ASOCIACIÓNS E VOLUNTARIOS/AS:documentación, formación e asesoría dirixida ás entidades e ás persoas voluntarias, para que consoliden a súa acción.
- INTERMEDIAR para potenciar os vínculos entre organizacións e posibles voluntarios/as, aquí e en proxectos de voluntariado europeo.
- FORTALECER O TECIDO ASOCIATIVO das áreas nas que traballamos mediante a información e a formación coas asociacións de mulleres, mocidades, veciñais, culturais, deportivas...
- IMPULSAR O TRABALLO EN REDE, a nivel local e autonómico, de forma que se enriqueza a nosa práctica diaria e se fortaleza a acción.
Que facemos
Que facemos?
Se queres facerte voluntaria/o, agardámoste para:
- INFORMARTE das organizacións, dos programas e dos postos de voluntariado.
- ASESORARTE sobre os teus dereitos e deberes como voluntario/a.
- FORMARTE para comezar a túa labor de voluntariado.
- ACOMPAÑARTE na túa labor voluntaria.
Se sodes unha asociación, apoiámovos en:
- DIFUNDIR a información das vosas actividades.
- DERIVARVOS persoas voluntarias.
- INFORMARVOS de recursos e actividades.
- ASESORARVOS sobre temas de xestión e administración.
- BUSCARVOS espazos de coordinación.
- FORMARVOS nos temas que demandedes.
Ámbitos
En que espazos e programas municipais podes realizar voluntariado?
No ámbito da educación, protección e respeto ao medio ambiente
"Voluntariado educación e sensibilización medio ambiental" Tipoloxía de funcións: Realizar un tipo de vixilancia disuasoria e limpeza de montes e áreas de lecer. Actividades de sensibilización en relación a temas mediambientais: montes, ríos, praias, etc. Restauración e recuperación ambiental de regueiros, de fontes e abrevadeiros. Actividades de identificación e conservación de rastros e sinais de fauna e tamén de flora. Fabricación e colocación de comedeiros e caixas niño para aves. Acondicionamento de Roteiros, etc.
No ámbito da educación vial e da promoción de hábitos saudables "Volunvial" Tipoloxía de funcións: seguridade, información, acompañamento. No programa de Coleroteiros realizando as labores de apoio a monitores/as, que estarán nos cruces perigosos e puntos nos que o tráfico é maior ou poden darse situacións complicadas. Tamén estarán en puntos estratéxicos para guiar e informar aos menores onde están “rotiparadas” e como chegar á máis próxima á súa casa.
No ámbito da promoción da xuventude
"Voluntariado xuvenil" no programa de Dinamizacion xuvenil: todas as actividades programadas pola Concellería de Xuventude, incluídas as escolas municipais: teatro, pintura, etc.
No "Programa de Información e documentación Xuvenil"
nas labores de difusión da información. Tipoloxía de funcións: Apoio na busca de información e participación na difusión da información da OMIX. Apoio na coordinación de execución de actividades,etc.
No ámbito da promoción da igualdade entre homes e mulleres.
"De igual a igual". Tipoloxía de funcións: Apoio nas visitas e excursións organizadas. Apoio e cooperación na organización, na execución e na avaliación de actividades de promoción da igualdade de oportunidades. Acompañamento a persoas usuarias para a realización de trámites administrativos, burocráticos ou de outra índole. Apoio en programas que fomenten a conciliación entre a vida laboral, familiar e persoal, etc.
No apoio á actividade deportiva "Voluntariado para o deporte".
Tipoloxía de funcións: Apoio nas Escolas deportivas municipais. Apoio en torneos e competicións deportivas. Colaboración na organización de actividades e competicións deportivas. Difusión da oferta deportiva, etc.
No ámbito dos Servizos Sociais "Voluntariado social"
de apoio a minorías étnicas, persoas con escasos recursos e poboación en xeral. Tipoloxía de funcións: obradoiros e charlas sobre saúde: alimentación, deporte, hábitos saudables en xeral,... Apoio en lingua galega e castelá para persoas estranxeiras. Apoio nas clases de reforzo escolar. Acompañamento na xestión e utilización de recursos da comunidade (ir a consulta médica, a tramitar distintas xestións, etc.), apoio no uso e manexo de novas tecnoloxías para a alfabetización dixital, etc.
No ámbito da participación veciñal "TECENDO REDES, voluntariado para a participación veciñal.
Tipoloxía de funcións: apoio na organización de actividades, apoio no fomento do asociacionismo e a vidal cultural do municipio. Apoio no fomento de iniciativas sociais e de creación de redes, etc.
Voluntariado
NOVAS DO VOLUNTARIADO
03-06-2021 / Voluntariado
Ou Multiusos de Arcade acolleu a presentación do novo Campo de Voluntariado que a Xunta de Galicia poñerá en marcha non Concello de Soutomaior. A iniciativa, aberta a persoas desde vos 18 aos 30 anos, busca favorecer e fomentar a convivencia, a participación, a tolerancia e a solidariedade entre a mocidade e a súa contorna a través dá colaboración desinteresada e voluntaria en traballos diversos. A presentación contou coa participación do alcalde, Agustín Reguera, a directora xeral de Xuventude Participación...
13-05-2020 / Voluntariado
Ata 8.000 máscaras confeccionáronse no Concello de Soutomaior nas últimas semanas grazas...
25-03-2019 / Voluntariado
As persoas interesadas en participar como voluntarias na organización do Festival Soutopequeno...
18-07-2018 / Si quero, colaborar
O Concello de Soutomaior promove o voluntariado e a educación medio ambiental...
PROGRAMAS MUNICIPAIS DE VOLUNTARIADO
Que é
O Concello de Soutomaior pon en marcha un novo programa de educación e sensibilización medioambiental no que se implican varios departamentos: Educación, Medio Ambiente e Voluntariado co fin de promover iniciativas mediante as cales os veciños e veciñas poidan implicarse e formarse para participar en accións de voluntariado na natureza.
Obxectivos
Os obxectivos deste programa son:
- Contribuír á redución do impacto que a acción humana ten sobre o Patrimonio Natural.
- Facer sustentable o uso de recursos naturais.
- Promover a educación ambiental e a participación cidadá no coidado da natureza.
- Concienciar sobre a necesidade de mudar as nosas prácticas de consumo.
- Ofrecer formación básica sobre como conservar e protexer os espazos naturais.
O obxectivo final é potenciar o patrimonio natural do Concello e promover valores de respeto e conservación.
Programa
Como funciona o programa?
As persoas interesadas en participar nestas accións inscribiranse, mediante un proceso moi sinxelo, no programa e así formarán parte do Plan Municipal de Voluntariado que lles dará cobertura legal a todas estas accións.
Dentro do programa ofertaranse varios tipos de actividades en función do espazo natural no que vai a intervir e as súas problemáticas. Algunhas das acción serán, por exemplo:
- Selección, recollida e tratamento de residuos.
- Investigación (catalogación de flora e fauna).
- Identificación e redución de especies invasoras.
- Diminuír os danos que se producen no patrimonio cultural do entorno dar a coñecer o patrimonio paisaxístico e forestal que existe no monte veciñal e reducir o risco de lume.
Metodoloxía
Cada acción será levada a cabo por profesionais na materia que combinarán formación, explicacións técnicas, a acción concreta, o lúdico, a convivencia e a práctica de actividades saudables.
Inscricións
Inscricións e documentación necesaria
É obrigatorio inscribirse previamente para participar nesta xornada PORQUE cada acción forma parte do Plan Municipal de Voluntariado e a lexislación esixe que as persoas voluntarias estén dadas de alta para así contratar os seguros de RC, garantir os seus dereitos e tamén que sexan informados/as das súas obrigas (Lei 3/2000, de decembro do Voluntariado de Galicia).
- Fotocopia de DNI
- Acordo de colaboración (facilitado pola OMIX)
- Si es menor de idade DNI titor/a e documentación asinada polo teu titor/a.
Máis información e inscrición: na OMIX, Tel. 986700822, omix@soutomaior.com educacion@soutomaior.com
Accións
Acción 1
A primeira das acción HOXE IMOS LIMPAR levarase a cabo nunha pequena praia de Arcade
Na Ponte Colgante de Soutomaior un grupo de persoas voluntarias colacarán uns paneis informativos nos que se recollen varias problemáticas medio ambientais en relación ós residuos que deixamos na natureza e que polo que contaminan ou polo tempo que tardan en degradarse cando nos os reciclamos nin os deixamos nos colectores.
Funcións
Funcións básicas do voluntariado:
Funcións volunvial
- Sensibilización en materia de educación vial e seguridade.
- Información sobre o programa.
- Observar os puntos de risco nos roteiros e as necesidades de mellora para poñelo en coñecemento dos/as responsables municipais e así ir introducindo as melloras pertinentes.
Curso
Curso básico de voluntariado vial
Será obrigatorio para todas as persoas voluntarias e consistirá en participar na formación sobre o funcionamento do programa, coleroteiros establecidos e peculiaridades de cada un; seguridade e educación vial, hábitos saudables, mobilidade, sensibilización sobre sustentabilidade, primeiros auxilios básicos, valores e habilidades sociais.
Requisitos
Requisitos do voluntariado
- Ser maior de idade.
- Dispoñibilidade en horario de entrada ou saída dos centros educativos.
- Dispoñibilidade de camiñar pero tamén de bici ou patinete.
Número de prazas: formaremos a 20 persoas máximo. Non sempre serán necesarias todas as persoas. A distribución realizarase en función das necesidades de cada "coleroteiro" e en función do número de persoas inscritas para cada "rotiquedada"
