Debido ao aumento de casos positivos no noso Concello nos últimos días o SERGAS decidiu realizar un cribado masivo.
As probas para detectar contagios de coronavirus realizaranse a veciñ@s que teñan entre 20 e 49 anos.
Este cribado realizarase desde a tarde do luns ata o xoves no Peirao de Arcade.
Faise un rogo público a que todos os que sexan citados sexan responsables e acudan á súa cita.
Este cribado enmárcase na estratexia desenvolvida polo Sergas para realizar cribados poboacionais a persoas asintomáticas, e detectar aquelas positivas que non presentan síntomas clínicos.
O obxectivo é captar ao maior número de persoas que estean infectadas pero que non presenten clínica, xa que supoñen un gran risco para a saúde pública; ao ter un bo estado de saúde, continúan desenvolvendo a súa vida habitual e, por tanto, poden ser potenciais contagiadores e estar a contribuír á expansión do virus.