A Concellería de Xuventude do Concello de Soutomaior informa de que xa está aberto o prazo para participar nas actividades dirixidas á mocidade organizadas pola Xunta de Galicia. Esta campaña inclúe campamentos de 9 a 17 anos en Galicia e noutras comunidades autónomas. Para participar nestes campamentos haberá que inscribirse previamente antes do 23 de abril. 

Tamén está aberto o prazo para participar nas actividades dirxidas a persoas de 18 a 30 anos. O programa denomínase Conesta Galicia e inclúe varias actividades relacionadas co camiño de Santiago e a súa cultura e outras relacionadas co mar.

As persoas que desexen facelo poderán inscribirse e informarse na OMIX do Concello. Os campamentos teñen diferentes temáticas: deportivas, teatro, medioambientais, idiomas, etc.