A Concellería de Xuventude do Concello de Soutomaior pon en marcha un ano máis a actividade " Bailes Veraniegos" que se realizará durante todo o mes de xullo do Peirao de Arcade, na Pista de Patinaxe os martes e xoves de 20 a 21 h.
Comezaremos este martes 2 de xullo con esta actividade coa que a Concellería continúa a súa programación anual de actividades que teñen como finalidade a de manterse en forma e que se organizan durante todo o curso ofertándose tamén no verán aproveitando o bo tempo e a posibilidade de realizala ao aire libre para que todas as persoas que desexen seguir manténdose en forma e practicar deporte poidan facelo pasando un rato divertido.
A actividade é de balde e pode participar calquera persoa que o desexe. Vai dirixida a todos os veciños e veciñas, e tamén todos os visitantes que veñan a coñecer o noso municipio.
Durante todo o mes de xullo bailarase o ritmo de: zumba, moderno, salsa,.. etc.
Datas e horario: os martes e xoves de 20 a 21 h (desde 02/07/15 ata o 30/07/15)
Recomendacións: levar roupa cómoda, auga e calzado axeitado
(zapatillas, tenis,...).
Lugar: no peirao de Arcade na pista de patinaxe.
Máis información: na OMIX, Centro Multiusos.
R/ Peirao, 8 – 36690 Arcade Concello de Soutomaior.
Teléfono: 986700822, Este enderezo de correo está a ser protexido dos robots de correo lixo. Precisa activar o JavaScript para velo.