Martes, 06 Xuño 2017 17:15

VI Concurso de Karaoke 2017

VI Concurso de Karaoke 2017

O Concello de Soutomaior abre o prazo de inscrición para participar no VI Concurso de Karaoke que se celebrará o sábado 8 de xullo de 2017 ás 22.30 h.

A Concellería de Xuventude do Concello de Soutomaior convoca esta sexta edición do concurso de Karaoke coa finalidade de favorecer a participación da mocidade  en actividades de índole artística, musical, de lecer e entretemento. Aínda que a actividade vai dirixida a todas as idades a partir dos 5 anos

Poderán participar todas as persoas empadroadas no municipio que se inscriban previamente no concurso. Tamén poderán participar persoas non empadroadas no Concello de Soutomaior sempre e cando as prazas non se cubran coas inscricións dos/as empadroados. Si unha persoa empadroada participa cunha non empadroada entenderase a parella ou grupo como empadroado/a.

O número de participantes será  limitado, participarán as 30 primeiras inscricións e , a partir de aí abrirase unha lista de agarda por si hai algunha vacante e pode participar alguén máis.

Para manter a igualdade entre as persoas inscritas, non poderán traer material adicional de son como micrófonos ou outros aparatos electrónicos de calquera índole. Non se permitirá a participación con instrumentos musicais que emitan sons; a persoas/as necesariamente deberán apoiarse nunha pista de Karaoke. Non poderán participar máis dunha vez nesta edición do concurso.  Si se poderán traer elementos ou complementos que axuden a mellorar o atrezo e a posta en escena para a performance e caracterización. Nas categorías parella ou grupo todas as persoas que se vaian a subir ao escenario terán que estar inscritas canten ou non porque si acompañan bailando ou figuran en escena dalgún xeito teranse en conta a efectos de participación.

CATEGORIAS:

  • Infantil de 5 a 11 anos (individual e parella)
  • Adolescente de 12 a 17 anos (individual e parella)
  • Xuvenil/adulta a partir de 18 anos (individual e parella)
  • Grupal a partir de 5 anos ( a partir de 3 persoas)

INSCRICIÓNS:

As persoas que desexen participar deberán cubrir previamente unha ficha de inscrición na que figurarán: datos persoais das persoas que se inscriben, categoría e canción escollida.

O listado de temas ou cancións preparados para o concurso estará a disposición dos veciños e veciñas na OMIX e na web municipal www.soutomaior.com Si o tema escollido non está na lista poderán traer cando se inscriban o tema escollido nun soporte PEN ou CD e, deberá estar en formato karaoke. A confirmación da posibilidade de actuar con ese tema comunicaráselle á persoa con suficiente antelación para que poidan escoller outro tema. Non se poderán escoller temas que xa se escolleran en edicións anteriores.

Na ficha de inscrición especificarase tamén si se quere ensaiar o tema previamente e escollerase un día e hora, entre as posibles opcións de ensaio ofrecidas.

O prazo de inscrición remata o 19 de xuño de 2017 ás 20,30 h (ou ata cubrir prazas).

Máis información e inscriciós na na OMIX, Tel. 986700822 Este enderezo de correo está a ser protexido dos robots de correo lixo. Precisa activar o JavaScript para velo.


Publicado en Xuventude
Visto 2538 veces


Concellería de Xuventude

XIX Concurso de Postais e Felicitacións …

20-11-2020 Xuventude

O Concello de Soutomaior convoca a XIX edición do Concurso de Postais e Felicitacións das festas de Nadal e Aninovo co que se pretende promover a reflexión sobre o significado...

Campaña "Heroínas e Heroes con máscara"

12-11-2020 / Xuventude

O Concello de Soutomaior con esta campaña dirixida á mocidade quere promover a sensibilización sobre o uso da máscara cando compartimos espazos con outras persoas coas que non convivimos e non podemos manter a distancia de seguridade. Aínda que non é o único  elemento preventivo fronte á pandemia COVID-19 é un dos importante para evitar os contaxios e que se...

Actividades de Xuventude para o 4º trimestre. Prazo aberto desde 1/09/2020

19-08-2020 / Xuventude

O Concello de Soutomaior abre o prazo de inscrición en liña das Escolas de Teatro, Debuxo e Pintura, Guitarra española, Latinos, Danza do Ventre e Danzas Urbanas HIP HOP. Este ano tamén se convoca a actividade de inglés para idades a partir dos 13 anos. Os grupos serán moi reducidos porque as clases serán moi prácticas e interactivas para mellorar...

Programa xuvenil de actividades xullo- agosto

18-06-2020 / Xuventude

O Concello de Soutomaior abrirá este venres 19 de xuño o prazo de inscrición para participar nas actividades xuvenís programadas para o mes de xullo e agosto de 2020. As actividades este ano cambian o seu formato en canto a número de prazas e funcionamento para adaptarse ás condicións establecidas polas autoridades sanitarias en relación á situación derivada pola COVID-19. Para...

Penso, logo existo... en galego! Soutomaior conmemora o día das Letras Galegas 2020

11-05-2020 / Xuventude

Co gallo do Día das Letras Galegas que se conmemora o día 17 de maio o Concello de Soutomaior, a través da Concellería de Xuventude, promove esta campaña nas que se relaciona comunicación, tecnoloxía, mocidade e lingua galega. A campaña pretende dinamizar o uso da lingua galega entre a mocidade nas súas relacións diarias e no uso das redes sociais...

XIII edición do certame literario “ Verbas para…comunicar”

17-01-2020 / Verbas para... comunicar

Un ano máis, e xa  van trece, as mellores plumas novas de Soutomaior teñen ocasión de mostrar a súa valía no certame literario “ Verbas para…comunicar”. Organizado pola Concellería de Xuventude do Concello de Soutomaior, e con motivo da celebración do Día das Letras Galegas, este certame pretende potenciar o uso da lingua galega, o seu gran valor literario e...

TV Concellería de Xuventude