Animadamente e a ritmo da Rianxeira e coreando "ondiñas veñen e van" todas as persoas participantes xunto co Alcalde, Agustin Reguera e a Concelleira de Xuventude, Noelia Ocampo, pecharon a sexta edición do concurso de karaoke, 2017.
Nesta edición participaron 21 persoas que se distribuiron por idades nas diferentes categorías: infantil, adolescente e xuvenil adulta. Con tres premios en cada categoría: mellor voz, mellor interpretación e mellor caracterización o xurado non o tivo fácil porque este ano houbo moita creatividade e novidades no escenario. Obssérvase como a mocidade se vai implicando cada ano un pouco máis e prepara moito as súas actuacións variando as súas coreografías, introducindo elementos que melloran a caracterización e animando ao público a cantar e aplaudir.
O xurado composto por membros cun perfil moi variado, para así atender pluralmente a diversidade de criterios a valorar en cada actuación. Composto por: Tamara González Campos (profesora de teatro), Martin Martinez Rodríguez (actor), Olga Castellano (presidenta de Mulleres Rurais Anduriña) e Carlos Albal (membro da Escola de Música de Arcade).
Despois de deliberar o xurado acordou premiar ás seguintes persoas nas seguintes categorías:
CATEGORÍA INFANTIL (5 - 11 anos)
INDIVIDUAL
- Mellor voz - Sara Casal Pazos
- Mellor interpretación - Andrée Figueroa Lusquiños
- Mellor caracterización - Borja Martínez Ocampo
PARELLA
- Mellor interpretación - Carla Gándara Casal e Candela Casal
CATEGORÍA ADOLESCENTE (12 - 17 anos)
INDIVIDUAL
- Mellor voz - Carla Mª Corujeira Veiga
- Mellor Interpretación - Sara Buceta Díaz
- Mellor caracterización - deserto
PARELLA
- Mellor voz - Uxía Brito e Antía Brito
- Mellor intepretación - David Alján e Javier Figueroa
- Mellor caracterización - Hugo González e Javier Barciela
CATEGORÍA XUVENIL/ADULTA (+ 18 anos)
INDIVIDUAL
- Mellor voz - María Auxiliadora Martínez Groba
- Mellor interpretación - Natalia Rosendo
- Mellor caracterización - Ana María Mos Barros
Desde o Concello quérese agradecer a participación de toda a mocidade que cada ano se implica máis nesta actividade de lecer facendo unha mención especial á presentadora Iria Vázquez que este ano se animoi a participar pero cun rol distinto. Foi ela a que presentou como voluntaria para presentar o concurso encargándose de animar ó público contribuíndo a que a noite resultase ser moi especial.
Todas as fotos en: Facebook - Xuventude