A Concellería de Xuventude do Concello de Soutomaior quere promover esta práctica deportiva entre a mocidade poque ademais da activida fisica que implica a participación nestas carreiras tamén ten outros beneficios porque se practica a coordinación, o traballo en equipo, a estratexia e se aprende a manexar mapas e brúxulas; ao mesmo tempo fai que a mocidade se interese por actividades de lecer saudables e se transmitan valores de respeto e coidado do noso medio.
As persoas interesadas en participar nesta actividade poderán anotarse ata o 28 de setembro na OMIX presencialmente ou ben en liña a través do enlace
Realizarase esta actividade o domingo 1 de outubro en Talo Río (Arcade).
Que é isto da orientacion?
É unha modalidade deportiva que, normalmente se realiza no medio natural, e que consiste en percorrer un itinerario determinado, visitando uns puntos nos que hai colocadas unhas balizas, axudándose dun mapa e, as veces, dun compás (brúxula).
Pero, a min non me gusta correr...
Non é necesario. Este deporte está adaptado a todos os niveis e ademais, na iniciación e recomendable non correr, xa que o máis importante e desenvolver a capacidade de ler o mapa. O lema deste deporte é "primeiro pensa, despois corre".
E, quen pode participar?
-
Nenas/os menores de 10 anos, que irían acompañados/as de persoas adultas.
-
Nenas/os maiores de 10 anos, que poderían ir sós.
-
Adultos/as ( a partir de 18 anos)
Neste segundo ano o Concello amplía as prazas a 60 para que poidan participar máis persoasque na edición anterior. Unha vez finalizado o prazo comunicaremos a cada participante a súa admisión.