Obxectivos

Obxectivos

Desde o inicio do curso no mes de outubro a escola realiza moitas actividades ademais da preparación dunha obra que representa coincidindo co final das clases, saídas, exposición “A escola día a día”, festa de fin de curso,...

• Descubrir e fomentar os recursos expresivos e comunicativos dos/as nenos/as.
• Estimular a fantasía, desenvolver a imaxinación e as capacidades creativas.
• Preparalos/as para o xogo dramático espontáneo e libre, vencendo a vergonza e a timidez e motivando o traballo en equipo, cooperativo e solidario ó tempo que se fomenta a non discriminación de xénero na interpretación de accións e personaxes.
• Aprendizaxe activa e goce do noso folclore infantil poético (cancións, ditos, etc.,) e dos xogos tradicionais galegos sen diferenciar entre os considerados pola tradición “xogos de nenos e de nenas”.
• Desenvolver as destrezas manuais en todo tipo de actividades plásticas.
• Concienciación sobre o coidado do contorno urbano e natural.
• Fomentar o hábito da lectura como goce.
• Familiarizar os/as nenos/as coa escoita de contos e a súa participación nas sesións de contacontos.
• Favorecer a fluidez na expresión oral e escrita.

Contidos teórico - prácticos

Contidos teórico - prácticos

• A Interpretación
• Expresión oral
• Expresión corporal
• Voz
• Música e Coreografía
• O corpo, elemento fundamental no proceso de aprendizaxe (mobilización, desinhibición, expresión)
• O Eu e o grupo (socialización)
• O espazo, e os elementos (experimentación cos sentidos).
• Crear, expresar e comunicar (dramatización)
• Prácticas de aula
  • Voz, respiración, fonación, articulación, entoación musical, técnicas corporais, relaxación, lectura expresiva, improvisación, dicción e vocalización, lectura de textos dramáticos, baile e posta en escena.

Prácticas de Aula

Prácticas de Aula

Durante as clases trabállanse moitos outros contidos que teñen que ver co currículo oculto da ensinanza falamos de temas como a educación en valores, igualdade de xénero, habilidades sociais (falar en público, a autoestima) o que proporciona a estas clases un valor engadido moi valorado polas familias que consideran esta actividade como moi atractiva e interesante para a formación dos/as seus/súas fillos/as. Por tanto, a través do XOGO e da MÚSICA como elementos dinamizadores para traballar as distintas áreas:  

• Expresión plástica
• Expresión musical
• Expresión dramática

Faremos exercizos de:

• Presentación
• Sensibilización
• Mobilización
• Relaxación
• Dinámica de grupo
• Xogo dramático
• Desinhibición
• Dramatización