Normas e requisitos

1. As comparsas deberán gardar unha unidade temática tanto no seu vestiario como na súa actuación.
2. Non se considerarán como comparsas con dereito á inscrición e participación, aquelas que repitan o seu disfrace de anos anteriores.
3. Poderanse excluir como beneficiarios das axudas reguladas nestas bases todos aqueles que non cumplan as condicións esixidas.
4. O Desfile de comparsas terá lugar o domingo 5 de marzo de 2017 ás 17.00 horas.
5. O número máximo de comparsas participantes no desfile é de 15 e deberán solicitar a súa participación a través de inscrición no rexistro xeral do Concello .
6. Terán preferencia as comparsas que participaron no desfile do ano 2016.
7. As comparsas participantes no desfile deberán ter un mínimo de 30 compoñentes.
8. O lugar de saída será a Rúa Calvario, na intersección da Avda. Xosé Solla coa Rúa Cochón.
9. As comparsas deberán estar no lugar da saída 30 minutos antes de dar comezo o desfile.
10. A primeira en desfilar será a dos nenos e nenas que forman a comparsa resultante do obradoiro que organiza o Concello de Soutomaior. As demáis o farán por orden de chegada.
11. Itinerario do desfile: Rúa Calvario, Avda. Xosé Solla e Rúa Rosalía de Castro. Remate na Alameda Talo Río, donde haberá unha festa de entroido coa actuación dun grupo musical ata as 22:00 h.

Procedemento

A inscrición farase nas Oficinas do Concello de Soutomaior, a través do fax (986 705 333) ou ben no correo electrónico Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., en horario de 9:00 h a 14:00 h. ata o mércores 22 de febreiro de 2017.

No momento de formalizar a inscrición, indicarase:

• Nome da comparsa.
• Nome e apelidos do representante.
• Número de teléfono e mail de contacto.
• Categoría na que se inscribe.
• Número de membros que a compoñen.

Todos estes datos deberán aparecer na solicitude de inscrición. En caso de que non sexa así, a comparsa poderá quedar excluída do desfile.

Os premios pola participación no desfile son os seguintes:

a) Para as comparsas que non leven nin carroza nin música:

• de 30 a 40 membros: 100 €
• Máis de 40 membros: 150 €

b) Para as comparsas que leven carroza e música:

• de 30 a 40 membros: 300 €
• Máis de 40 membros: 400 €

• Os premios pagaranse mediante transferencia bancaria previa presentación da factura correspondente no Concello na cal se indicará o número de conta para facer o ingreso.
• Os colectivos que estén exentos de IVA deberán presentar ademáis un certificado d@ secretari@ da asociación no que constará o número de expediente de dita exención. (Poderán pedir o modelo no Concello no momento de facer a inscrición).
• A participación neste desfile, implica a aceptación destas bases.
• A organización gárdase o dereito de non deixar desfilar a todas aquelas comparsas que non cumplan algunha das condicións establecidas nestas bases.