Venres, 11 Outubro 2019 14:15

Mesa de coordinación para a atención das vítimas de violencia de xénero.

Mesa de coordinación para a atención  das vítimas de violencia de xénero.

O Concello de Soutomaior continua coa súa loita contra a violencia machista, para iso organizou a súa sétima mesa de coordinación para a atención integral das vítimas de violencia de xénero. Unha cita interinstitucional que integra o ámbito educativo, sanitario, aos servizos sociais e aos corpos de seguridade para crear redes de traballo e sistemas de coordinación que axilicen e melloren a resposta fronte a esta secuela.

A mesa contou coa participación da Secretaria Xeral de Igualdade da Xunta de Galicia, Susana López, os alcaldes de Soutomaior e Pazos de Borbén, Agustín Reguera e Andrés Iglesias, a edil de igualdade, Cristina González, a xefa da unidade que combate a violencia contra a muller, Manuela Vilaboi, técnicos de igualdade de Soutomaior, Vilaboa e Pazos de Borbén, así como os representantes da Garda Civil de Moaña, Fornelos de Montes e Soutomaior.

O grupo de coordinación ten como obxectivo principal o perfeccionar esta ferramenta operativa na que están representados todos os ámbitos municipais para que tanto os roteiros establecidos para a axuda ás vítimas, como todos os servizos e atencións ofrecidas no centro, sexan o máis efectivas e temperás posibles. Tanto en Soutomaior, desde onde se ofrece o servizo do Centro de Información á Muller, como en Vilaboa e Pazos de Borbén, municipios que se acollen ao servizo prestado por este centro. Para iso, parte de cita centrouse na revisión dos sistemas de actuación #ante unha vítima de malos tratos a través das demandas detectadas polas técnicas durante o seu traballo diario.

Presentación da quenda de garda psicolóxica para vítimas.

Unha das principais novidades da mesa de coordinación foi a presentación do protocolo de activación da quenda de garda psicolóxica para a atención ás mulleres que sufriron episodios de violencia machista. Unha iniciativa posta en marcha pola Xunta de Galicia e que permitirá ás vítimas acceder a unha atención personalizada e profesional desde o momento da presentación da denuncia.

O servizo de garda poderá ser activado polas forzas e corpos de seguridade de Galicia, ou ben polos xulgados con competencias en materia de violencia de xénero. O procedemento comezará cunha chamada ao Teléfono de Información ás Mujeres (900-400-273), que se poñerá en contacto co profesional de garda para garantir a súa presenza inmediata.


Publicado en Igualdade
Visto 732 veces

Igualdade

Comunicado do Concello de Soutomaior polo Día do Orgullo

Comunicado do Concello de Soutomaior polo Día do Orgullo

28-06-2023 / Espazo Diversidade (Igualdade)

Desde o Concello de Soutomaior este 28 de Xuño queremos lembrar a toda as persoas que marcaron un antes e un despois na historia da nosa comunidade LGTBIQA+. Persoas que alzaron a súa voz ante o sistema e visibilizaron, desde o seu activismo cotiá, unha realidade DIVERSA afectivo-sexual que fai a nosa comunidade máis nutritiva e enriquecedora para todas.   Falamos de...

Máis de dous meses de campamentos gratuítos este verán!

Máis de dous meses de campamentos gratuítos este verán!

12-05-2023 / Espazo concilia (Igualdade)

 Este ano os campamentos de conciliación familiar esténdense todo o verán. Comezamos o día 26 de xuño co xa habitual ‘Campamento Concilia’, que se dividirá en tres quendas ata o...

Emoción e diversión no primeiro día de Campamento Concilia de Semana Santa

Emoción e diversión no primeiro día de Campamento Concilia de Semana Santa

04-04-2023 / Espazo concilia (Igualdade)

Hoxe foi o primeiro dia do Campamento Concilia de Semana Santa. Media centena de cativos e cativas pasaron unha mañá divertida cos seus amigos. Esta iniciativa, que xa ven sendo...

Comeza o curso de Arteterapia

21-03-2023 / Espazo Autocoidado e Apoderamento (Igualdade)

Hoxe tivo lugar a primeira sesión de Arteterapia, un obradoiro que promete mellorar a autoconciencia e a calidade de vida das súas participantes. Esta iniciativa, que se encadra dentro do...

O Programa "Enredadas" dinamiza as Asociacións Veciñais con vogalía de muller

16-03-2023 / Espazo Redes (Igualdade)

Hoxe tivo lugar unha nova reunión cas asociacións de mulleres e veciñais con vogalía de muller do noso concello. Estas reunións, que fan parte do Programa Enredadas teñen como obxectivo...

Presentamos o Campamento para favorecer a conciliación familiar en Semana Santa

15-03-2023 / Espazo concilia (Igualdade)

O alcalde e a Concelleira de Igualdade presentaron o Campamento Concilia de Semana Santa. Esta iniciativa do Concello, organizada a través do CIM, busca ofrecer unha alternativa de conciliación familiar...

Arrinca a programación do 8M ca presentación dunha Guía Didáctica

08-03-2023 / 8M (Igualdade)

Hoxe comezamos ca programación do 8M ca presentación da Guía Didáctica ‘Historia do Movemento Feminista 1975 -1983’, elaborada pola nosa veciña Raquel Fernández. A obra fai un repaso á historia do...

A concelleira presenta as novas sesións de Arteterapia

07-03-2023 / Espazo Autocoidado e Apoderamento (Igualdade)

O CIM ofrece un novo obradoiro dentro do Espazo de Autocoidado. Nesta ocasión será de Arteterapia. Todas as interesadas poden inscribirse xa nesta iniciativa que terá lugar os martes de...