O Concello de Soutomaior pon en marcha un programa para que os Reis Magos poidan contactar cos nenos e nenas empadroados/as no Concello de Soutomaior e compartir as súas ilusións coas súas Maxestades antes da agardada Noite de Reis.
Este é un ano diferente e complicado pero a maxia e a ilusión poden seguir estando presentes nas nosas vidas. Podemos manter certas tradicións dun xeito seguro como por exemplo falar cos Reis Magos e trasladarlle os nosos desexos e peticións así como contarlles como nos portanos neste ano. De aí que con este programa as familias poderedes solicitar a vosa vídeo-chamada dun xeito moi sinxelo e seguro seguindo un pasos que están explicados no formulario creado para concertar o día e hora no que queredes recibir a vídeo-chamada. A web para facer a vosa solicitude é: https://www.gabinetesoutomaior.com/index.php/programas-xuventude/chamada-dos-reis-magos.
Este programa vai dirixido a idades comprendidas entre os 2 e 10 anos (ambas incluídas).
Se non pode dispoñer dun número de teléfono con whatsApp inscribídevos e ofrecerémosvos unha alternativa e que poidades recibir igualmente a vídeo - chamada.
Os días a escoller para recibir a vídeo-chamada son:
- 30 de decembro
- 31 de decembro
- 2 de xaneiro
- 3 de xaneiro
- 4 de xaneiro
- 5 de xaneiro
Os horarios son variado para que poidades escoller e van de 5 en 5 minutos. O prazo de solicitude remata o 29 de decembro de 2020.
