Luns, 15 Novembro 2021 10:17

XX Concurso de postais e felicitación de Nadal. Prazo aberto

XX Concurso de postais e felicitación de Nadal. Prazo aberto

Soutomaior abre o prazo de presentación ó Concurso de Postais e felicitacións de Nadal e aninovo co que se pretende promover a reflexión sobre o significado desta celebración e os seus valores na sociedade actual; apoiar a participación da mocidade no ámbito artístico e creativo e fomentar o uso da lingua galega. 

As condicións xerais de participación serán:

  • A temática será o Nadal: felicitacións, imaxes propias destas festas, entrada no novo ano, mensaxes solidarias,... Interpretación libre, creativa e orixinal. 
  • Se hai texto ou audio, deberá ser en galego. 
  • Cada persoa presentará unha única postal ou felicitación por categoría, que deberá ser inédita e non estar suxeita a dereitos de autoría.
  • Permitirase que unha persoa que se presenta individualmente poida participar nunha modalidade grupal.
  • A técnica será libre pero deberá encaixar nalgún dos formatos e modalidades propostas. 

As persoas interesadas poderán presentar os traballo en varios formatos:

FORMATO POSTAIS:

POSTAIS- MODALIDADE SIMPLE (sen volume):

  • Categoría A: idades de 2 a 4 anos
  • Categoría B: idades de 5 a 8 anos
  • Categoría C: idades de 9 a 12 anos
  • Categoría D: idades de 13 a 18 anos

*As postais simples que ó abrirse adquiran pouco volume considéranse MODALIDADE SIMPLE. 


POSTAIS- MODALIDADE TRIDIMENSIONAL-VOLUMINOSA (con volume, altura, anchura e profundidade). 

  • Categoría T1: 5 a 8 anos
  • Categoría T2: 9 a 12 anos
  • Categoría T3: 13 a 18 anos

FORMATO FELICITACIÓN AUDIOVISUAL: 

Participar no concurso enviando unha felicitación de Nadal ou de aninovo presentando un vídeo que pode conter: imaxes, son, textos, animacións, etc.

FELICITACIÓN AUDIOVISUAL - MODALIDADE VÍDEO:

  • Categoría A1: 5 a 8 anos
  • Categoría A2: 9 a 12 anos
  • Categoría A3: 13 a 18 anos
  • Categoría AF: familiar. Todas as idades.

Requisitos DOS VÍDEOS de felicitación audiovisual: a maiores das condicións xerais os vídeos  terán unha duración máxima 3 minutos e farán referencia á temática deste concurso “Felicitación de Nadal/Aninovo desde Soutomaior”. Pode presentarse de xeito individual, grupal ou familiar.

Como presentar os traballos? 

1º PASO: Elaboración da postal ou felicitación tendo en conta as condicións xerais e os formatos.

2º PASO: Presentación. Como?

  1. Entra na web: https://www.gabinetesoutomaior.com/index.php/programas-xuventude/concurso-postais-de-nadal
  2. Escolle o formato e modalidade na que te inscribes.
  3. Cumprimenta o formulario. 

NON debe figurar nos traballos os nomes das persoas. Os datos persoais xa figuran na ficha de inscrición. Os traballos catalóganse a través de códigos de inscrición e así xa sabemos a quen pertencen. Estes datos non figurarán na web por protección de datos e para garantir o anonimato. 

 

O prazo de presentación para todas as modalidades REMATARÁ O VENRES 10 DE DECEMBRO ÁS 14.30 HORAS.

Ademais, da votación do xurado tamén haberá un prazo para a votación popular na web desde o luns 13 ata o mércores 15 de decembro ás 23.00 h.

Para calquera dúbida sobre este concurso poden poñerse en contacto coa OMIX  no número 986700822 ou ben por whatsAPP 638822868

 


Publicado en Xuventude
Visto 399 veces


Concellería de Xuventude

Programa formativo municipal

19-01-2022 Xuventude

Novos cursos e accións formativas convocados polo Concello de Soutomaior (Xuventude e Educación) para os seguintes meses. Por unha banda, as accións dirixidas á formación ocupacional e para o emprego fundamentalmente...

2x1 Carné xove + carné de alberguista

12-01-2022 / Xuventude

Coa activación do Carné xove agora tamén poderás obter directamente o carné de alberguista se tes a partir de 14 anos de idade. Desde o ano pasado o carné xove é de balde e xa non é preciso renovalo cada dous anos. Vai dirixido a mozos e mozas de 12 a 29 anos ambos incluídos e ten unha morea de...

Entrega de premios do concurso de postais de nadal

20-12-2021 / Xuventude

O Concello de Soutomaior entregou os premios do seu tradicional concurso de postais do Nadal. Un certame que, a pesar de celebrarse por segunda vez de maneira telemática pola pandemia, mantén un gran nivel de participación rexistrando máis de 200 propostas de todas as idades. O certame estaba dirixido a toda a poboación do municipio e especialmente á infancia e á mocidade. O...

Comunicación Concurso Postais e felicitación Nadal

17-12-2021 / Xuventude

Comunicar que se producen cambios no acto de entrega de premios do Concurso de Postais e Felicitacións de Nadal por prevención pola COVID-19. Cancélase o espectáculo, farase un sinxelo acto de entrega. Todas as persoas que participaron no concurso poden recoller o seu agasallo na OMIX pedindo cita no whatsAPP 638822868 a partir do luns. Publicaremos este venres pola mañá...

Actividades para os vindeiros días! Prazos rematando

29-11-2021 / Xuventude

"Xogos ópticos" e Zootropo xigante" obradoiros para facer cine contruíndo xoguetes ópticos e un zootropo xigante. Moit divertidos e dirixidos a todas as idades, ideais para participar en familia e achegarnos ao mundo do cine, as orixes das imaxes en movemento, a, á creación de elementos e recursos cos que crear as nosas propias películas. Obradoiros cheos de propostas moi...

XX Concurso de postais e felicitación de Nadal. Prazo aberto

15-11-2021 / Xuventude

Soutomaior abre o prazo de presentación ó Concurso de Postais e felicitacións de Nadal e aninovo co que se pretende promover a reflexión sobre o significado desta celebración e os seus valores na sociedade actual; apoiar a participación da mocidade no ámbito artístico e creativo e fomentar o uso da lingua galega.  As condicións xerais de participación serán: A temática será o Nadal:...