Xoves, 14 Novembro 2019 19:47

Actividades para as vacacións de Nadal!

Actividades para as vacacións de Nadal!

Ata o 17 de decembro estará aberto o prazo de inscrición para participar nas ACTIVIDADES PARA AS VACACIÓNS DE NADAL programadas pola Concellería de Educación do Concello de Soutomaior. Este ano contamos con dúas temáticas que están moi relacionadas porque con ambas se trata de sensibilizar sobre o respeto ao medio ambiente e natureza e consumir responsablemente. Por unha banda, as actividades educativas sobre o medio ambiente e a natureza "A voltas coa bichería" que inclúen actividades dirixidas a públicos desde os 3 ata os 17 anos vencelladas á Escola Municipal Urbana Ecolóxica e a un tema que actualmente preocupa moito como é o caso da avespa velutina; e, por outra banda, as actividades "Infonadal" nas que se abordarán temas sobre o consumo responsable no Nadal.

Todas as actividades serán moi interactivas, cunha dinámica divertida e moi creativa co fin de aprender moitas cousas a través do xogo e da creación e irán dirixidas a todas as idades. Aquí vos deixamos un pequeno resumo:

 

Actividade: Bicheando: xogos e moito máis!

Grupo LARVAS - 3 a 6 anos

Datas: 

Xoves 26 de decembro (de 12.15 a 13.30 h)

  • Presentación Bichiños. Conto: “Pepiña Maruxiña quere voar”. Bicheando, xogos para coñecer e gozar cos bichos.

Venres 27 de decembro

  • Manualidade animal. Coñecendo as casas dos bichos. Visita ao “Bichina d´or” cidade de vacacións para bichos.

 

Actividade: “Bichina D´or”, cidade de vacacións para bichos

Grupo BICHOS - 7 a 11 anos

Datas: 

Xoves 26 de decembro (de 10.30 A 12 h)

  • Canto sabemos de…(xogo de preguntas e curiosidades sobre os bichos veciños). Bichos beneficiosos; a vida en comunidade. Saída a recoller material para o hotel.

Venres 27 de decembro

  • Construción do noso hotel bicheiro. Colocación e inauguración “Bichina D´or”, cidade de vacacións para bichos na Horta Municipal Urbana Ecolóxica.

 

Actividade “DESASTRE VELUTÍNICO” - 12 a 17 anos.

Organizaremos grupos de idade e amizades, cun máximo de 5 ou 6 participantes cada un.

Datas e horarios: Venres 27 de decembro (de 11.30 A 13.30 h)

DESGRAZA!!!!!! No laboratorio de Soutomaior estaban facendo unha investigación para combater á Avespa Asiática coñecida como a “Vellutina”. Pero antes de dar coa fórmula acertada, aconteceu un roubo que pon en perigo a nosa vila, xa que o envase non estaba protexido e o produto en contacto co aire fai unha reacción mortífera ao cabo de dúas horas… Seguindo as regras e normas dos xogos de escapismo teremos que resolver unha serie de pistas que liberarán a Soutomaior dun ataque masivo que terá unhas consecuencias nefastas. Acudimos á mocidade de Soutomaior para evitar o desastre pero só dispoñemos de dúas horas e o tempo empeza a correr……XA!

 

Charla: Trucos para aforrar no Nadal.

Actividade na que asesoraremos os adultos/as sobre como xestionar as compras do Nadal para evitar a influencia da publicidade, ofrecendo pautas de aforro e consumo responsable.

  • Idades: público xuvenil e adulto.
  • Data: luns 30 de decembro
  • Horario: 11.30 a 12.30 h

 

Actividade:  Pídomo, pídomo!

Actividade para tomar conciencia de que os agasallos non teñen que ser sempre algo material e descubrir que existen outras opcións ademais dos produtos que publicitan as revistas e a televisión.

  • Idades: 3 a 7 anos
  • Data: luns 30 de decembro
  • Horario: 11.30 a 12.30 h

 

Actividade: Escoller agasallos, que pido este ano?

Na que os nenos/as reflexionarán sobre como inflúe a publicidade na elección dos agasallos e a importancia de coñecer as características reais dos produtos. Trátase de promover formas alternativas de lecer centradas nos amigos/as, na familia,...

  • Idades: 8 a 12 anos
  • Data: luns 30 de decembro
  • Horario:12.30 a 13.30 h

 

As inscricións faranse EN LIÑA a través da web https://www.gabinetesoutomaior.com/index.php/inscricions-menu/inscricions-en-lina

As prazas son limitadas! Todas estas actividades realizaranse no Multiusos en Arcade e será de balde!

Máis información na OMIX, 986700822


Publicado en Educación
Visto 861 veces

Educación

Celebramos a primeira sesión de

Celebramos a primeira sesión de "Capacidade, SI moitas"

04-12-2022 / Educación

Onte tivo lugar a primeira sesión de “Capacidades, si moitas”, a campaña do Concello con motivo do Día Internacional das Persoas con Discapacidade. No Multiúsos recibimos a visita das asociacións AMENCER, Federación de Asociacións de persoas Xordas de Galicia e a Asociación Socio Sanitaria Enfermidades Inflamatorias Intestinais e Ostomizadas. Representantes das tres entidades explicaron as incomodidades que condicionan o seu...

Moi bo ambiente e entusiasmo no campamento dos Peares

Moi bo ambiente e entusiasmo no campamento dos Peares

12-08-2022 / Educación

 O alcalde achegouse onte ata os Peares, onde preto de 50 mozos e mozas de Soutomaior están a participar nun campamento de inmersión lingüística en inglés. Además de recibir clases de...

Potros autóctonos, aire libre, cultura e moito compañeirismo no roteiro polos montes do Curro da...

Potros autóctonos, aire libre, cultura e moito compañeirismo no roteiro polos montes do Curro da...

06-06-2022 / Euducación (Roteiros Medioambientais)

Onte, preto de 30 veciños/as participaron no Roteiro polos Montes da Valga, na serra dá Groba, Oia. Os/as asistentes puideron observar os cabalos autóctonos que se crían en liberdade e que...

Centos de estudantes entusiasmados na Feira da Ciencia de Soutomaior

06-05-2022 / Educación (Divulgaciencia)

Onte foi un día especial para moitos/as estudantes dos institutos do  Concello. Tras meses de preparación, traballo e estudo, por fin puideron mostrar ante todos os seus veciños o froito...

O alumnado sae das aulas para investigar grazas a 'Divulgaciencia'

21-04-2022 / Educación (Divulgaciencia)

Seguen en marcha as actividades do 'Plan Divulgaciencia'  que conta co apoio da FECYT e do Ministerio de Ciencia e Innovación e que busca fomentar o interese pola ciencia entre...

Inscricións abertas para a Feira da Ciencia que acollerá Talo Río

19-04-2022 / Educación (Divulgaciencia)

O día 5 de maio celébrase a  Feira da Ciencia na Alameda de Talo Río, unha iniciativa que se encadra dentro do programa  Divulgaciencia e que permitirá ao  estudantado de...

Soutomaior celebrará a súa propia Feira do Libro os días 22 e 23 de abril!

06-04-2022 / Educación

Soutomaior celebrará os días 22 e 23 de abril a súa primeira Feira do Libro. Trátase dunha iniciativa que leva anos preparándose , pero que a pandemia non deixara desenvolver e...

‘Valentina’, unha historia de inclusión e superación, triunfa entre a cativada

21-03-2022 / Educación

Hoxe, 21 de marzo, celébrase o Día Mundial da Síndrome de Down. Desde o Concello de Soutomaior quixemos achegar o noso granito de area e colaborar na inclusión de todas...