TV Concellería de Educación 
Obradoiros
FAI CLICK AQUÍ
Todos os Cursos, Obradoiros, Actividades, eventos actualizados.
O Concello de Soutomaior convoca este roteiro e actividade de sensibilización medioambiental que terá lugar o domingo 18 de outubro pola mañá. Será unha xornada moi completa na que as persoas participantes poderán participar nunha visita guiada á Aula de Natureza do Monte Siradella e os seus arredores co fin de coñecer este espazo natural e todos os recursos ambientais, paisaxísticos, de flora e fauna, ... que alberga. Despois de visitar a aula tamén se realizará un pequeno roteiro polo intermareal da Lanzada onde se explicará a súa riqueza, funcionalidades, aves que habitan nel e flora. Recoméndase que se se dispón de prismáticos se leven porque esta é unha época moi interesante para ver moitas aves. A actividade será de balde e incluirá a organización e tamén o transporte de ida e volta que se realizará en autobús.
En cum`primento da nova normativa en relación á COVID-19 as prazas serán limitadas (18 prazas en total). Unha vez lugar contaremos con dúas guías para poder dividir o grupo en 9+9 e esta ratio manterase durante toda a xornada co fin de poder manter as distancias e que as explicacións se poidan realizar con maior calidade.
Para participar haberá que inscribirse previamente ata o 14 de outubro EN LIÑA: https://www.gabinetesoutomaior.com/index.php/axenda-municipal/vista-mensual/eventodetalle/2440/roteiro-monte-siradella-e-intermareal-da-lanzada
Para calquera dúbida que teñades podedes poñervos en contacto coa OMIX 986700822 - 638822868 ou por correo en Este enderezo de correo está a ser protexido dos robots de correo lixo. Precisa activar o JavaScript para velo.
DESCRICIÓN DA XORNADA
HORARIO
Saídas:
- 9.25 h Casa Concello Soutomaior
- 9.30 h Cruce de Pierres Arcade
Chegadas:
- 15.00 h Cruce de Pierres Arcade
- 15.05 h Casa do Concello
BREVE DESCRICIÓN
O monte Siradella, con 166 metros é o punto máis alto da península do Grove desde onde se domina coa vista a praia da Lanzada e todo o concello, xunto co Complexo Intermareal existente na zona. No alto do monte sitúase un Centro de Interpretación da Natureza que visitaremos. O persoal guía do centro de interpretación acompañaranos para comprender a natureza e a súa importancia.
- 10:30 Recepción na Aula de Natureza do Monte Siradella e visita comentada aos miradores. Pequeno percorrido.
- 11:15 Visita guiada á exposición e visionado do vídeo (7min)
-
12:00 Visita á Lanzada.
- Percorrido pola praia, comentando restos de arribazón e vida no intermareal rochoso.
- Formacións da vexetación dunar e as súas adaptacións. Evolución do istmo.
- 13:45 Observación de aves acuáticas no istmo de O Bao.
- 14:15 Remate da actividade guiada. REGRESO
CARACTERÍSTICAS: Dificultade baixa
TEMPO ESTIMADO: medio día
IDADES: todas. Ter en conta a tipoloxía da actividade
INICIO: Monte Siradella (o Grove)
CUSTE: de balde
OBRIGATORIO: máscara facial (protección Coronarirus).
Material recomendado para realizar a actividade:
- Roupa adecuada á metereoloxía (ter en conta que haberá zonas de exposición ao vento).
- Calzado adecuado para camiñar, con sola forte e rugosa.
- Recomendable material de observación se teñen dispoñibilidade: telescopios, prismáticos, Etc.
- Roupa axeitada ao día: chuvasqueiro (se chove ou fai vento); pantalón cómodo, camiseta térmica (se fai frío), ...
- É recomendable levar unha pequena mochila con auga para a camiñata, comida ou outras cousas que se consideren necesarias tendo en conta cada roteiro.
IMPORTANTE: Recordamos que os/as guías son titulados/as e a actividade realizarase baixo unha póliza de R. Civil e accidentes derivados da organización do evento pero non dos accidentes provocados por outros motivos. Si se produce algún cambio na organización comunicarémolo o antes posible a cada participante.